"حكايـــــــــــــــــــــــة شعــــــــــــــــــــــــــب"............. جميلــــــــــــــــــــــــــــــــــــــــــــــــه جداً جداً جداً

بسم الله الرحمن الرحيم

فازت مصر والحمد لله بكأس أفريقيا 2008 ، البعض قال بطوله عظيمه ، والكثير قال حدث فريد ، وغيرهم قال انجاز تاريخى ، لكنى أقول ببساطه انها ....... ;

حكاية شعب !

حكاية شعب وقف ورا منتخب بلده بقلبه ، حكاية شعب كان بيشجع حتى وهو فى بيته ، حكاية شعب بكى من فرط الفرحه بفوز منتخبه ، حكاية شعب بينسى خلافه لتوحيد القلوب لدعاء ربه ، حكاية شعب ينام جعان ولا ينام من قلقه على بلده

حكاية شعب طيب غلبان ، أخويا وأخوك وابن الجيران ، خالى وخالك وعمى كمان

حكاية شعب مصرى وقت الحاجه موجود ، حكاية شعب معدنه أصيل دايماً فى الشده بيبان

هناك خلافات .... أكيد

فيه مشاحنات .... طبيعى

لكن الكل فى حب مصر تلاقيه موجود

نقول هنخرج من الدور الأول ، يقولوا بصوت واحد : الله موجود

حكاية شعب نسى نفسه فى غمار فرحته ، حكاية شعب يحتاج لأى فرح يرسم بسمته

والكل فى الشعب ليه دور ، فالشعب أفراد ، منهم الجمهور اللى بيلعب بقلبه وأعصابه ! ، ومنهم اللى كان بيلعب بعقله ! ، ومنهم اللى استخدم أقدامه ورأسه وحتى بطنه !

منهم واحد اسمه حسن شحاته بجهده واخلاصه ، والبلدوزر عمرو بمجهوده وأهدافه ، وفيه متعب رغم صيامه موجود بتحركاته ، وتريكه دا فنان ، فى الوقت الحاسم تلاقيه فى الميعاد يجيب الأجوال

واه من الوافد من بلد الجدعان ، دوخ الأسود وأتعب الأفيال ، بتمريره واحده خلص بطوله ، أكيد يبقى البورسعيدى زيدان

والقائد أحمد حسن وسط الفريق موجود ، يلعب أساسى يبقى احتياطى المهم الفريق يُجيد ، ولاعب اسمه حسنى عبد ربه ، أكيد ربه هو اللى كرمه ، أحسن لاعب فى البطوله ، دى حاجه مش عاوزه مقوله

وأقول ايه على الحضرى ، الله عليك يا ابنى ، أسد وحش شجاع ، لا تقولى دروجبا ولا ايتو

والصخره وائل الجمعه ، دا دروجبا كانت هتفر منه الدمعه

والاحتياطى على نفس المستوى ، كلهم بيقولوا احنا هنا ، وان مالعبناش احنا برضه معاكوا بقلبنا

هى دى الحكايه يا شباب

انشروها فى كل المواقع والمنتديات

ولا اقولكم ...... علقوها فى كل شارع وكل ميدان

قولولهم ان الحكايه مش حكاية بطوله

دى حكاية شعب مصر المحروسه

الحمد لله

الحمد لله

الحمد لله[/

*******للأمانــــــــــــــــــــــــــــــــــــــــه*******
منقول من روم الفراعنه بموقع فيلجول للعضو : " kafrawy_2005 "

الله الله الله الله الله الله بجد جميل اووووووووووووووووى اووووووووووووووووووووى اووووووووووووووووووى اوووووووووى
فعلا حكاية شعب بجد انت عبقرى يا يحيى بجد انت اسطوره
الله عليك االله الله الله عليك تسلم اديك مش عااارف والله اقولك ايه اكتر من الله عليك شكرا يا باشا